Viongozi ulaya wanavyolazimika kuacha madaraka wanapokosea

 

Wiki jana kuna Waziri maarufu wa zamani, alifanya kioja. Mstahiwa alikuwa akitoka hafla fulani ya hali ya juu, mitaa ya kitajiri tajiri, London na mkewe. Wameshachapa maji sawasawa; wakasimamisha teksi. Sasa kwa vile dereva alikuwa akichukua njia za mikato kukwepa misongamano ya magari, bwana mkubwa akaanza kumkaripia. Makaripio yakaishia kuwa ugomvi na matusi juu. Dereva kuona anatukanwa, akaanza, kisiri siri, (bila bwana mkubwa kung’amua ) kunasa mazungumzo katika simu yake. Akapeleka vioja katika gazeti kubwa la hapa Uingereza. Neno kwa neno likachapwa. Habari zikaenea kama utitiri.

Waziri Mstaafu aliona aibu ikambidi aombe radhi, wazi wazi.

Matusi Mheshimiwa David Mellor aliyomrushia dereva teksi ambaye hadi tukio hili linapoandikwa hajatajwa jina kwa kuhofia asijefikwa ( si Afrika tu ambapo viongozi wana uwezo wa kumhasimu mlala hoi aliyewaudhi!) na mabaya. Na yote yaliandikwa. Usichezee vyombo vya habari, Uzunguni. Na gazeti hili, si la umbea. Maana ingekuwa kwetu Afrika labda magazeti ya udaku tu ndiyo yangetangaza, mambo yaishie vichochoroni. Hili ni gazeti linalosomwa na asilimia kubwa ya Waingereza.

Daily Mail. Huwa haliweki picha za wanawake wakiwa uchi au uhuni na mabezo. Hapana.

Kiini cha matusi yake mstahiwa Waziri mstaafu ni matabaka.

Akajitutumua zamani alikuwa Waziri serikalini. Pili, kitaaluma amezawadiwa tuzo kutokana na kazi yake ya utangazaji redioni. Tatu, anajuana na kuaminika na mtukufu Malkia Elizabeth; ni miongoni mwa wanasheria maalumu walioteuliwa kusimamia na kuhukumu kesi kubwa kubwa. Hii desturi ya kizamani sana katika himaya ya Waingereza yenye kanuni za kimwinyi kutokana na hulka, mavazi, kazi na nafasi.

Sasa alipopandwa ghadhabu katika teksi, Mellor alijigamba yeye ni vitu vyote hivyo na kumtaka jamaa afunge mdomo kila alipomjibu. “Sina haja ya kukufahamu wewe nani. Hujui lolote kuhusu London.” Juu yake akijazia matusi na dharau za kisultani.

Baada ya kitambo kidogo, dereva akajibu hapendi kuamrishwa. Kaifanya kazi ya teksi miaka kumi. Kwamba Mstahiwa asijaribu kumtisha.

Mstahiwa akachachamaa. “Umeendesha teksi miaka kumi. Mimi nimeishi mji huu miaka 40. Nilikuwa waziri na nilishafanya kazi rasmi teule ya malkia miaka tele. Funga mdomo. Endesha tu gari....”

Hivyo ndivyo mgogoro ulivyoendelea na kadri jamaa walivyoendelea kujibishana dereva teksi akawa sasa hasemi sana ila kurekodi mazungumzo. Hapo sasa Waziri mstaafu akikazania na kuhimiza alivyo muhimu na mashuhuri. Kwamba anaweza kufanya kampeni hiki kigari chake mwananchi kisiwe tena barabarani. Kwamba atamsema katika redio.

Sasa. Hilo moja.

Hapa Uingereza jambo kama hili linapobainika na kusambaa huwa haliishi